(NI PETER LEDESMA)

DAHIL wala pang bagong teleserye ay ang pagkanta muna ang inaatupag ngayon ni Ruru Madrid at sana ay mapansin siya rito.

We heard na hanggang ngayon ay ongoing pa rin daw ang parusang ipinataw kay Ruru ng GMA na huwag muna siyang bigyan ng solong programa at nagalit sa kanya ang kanyang mother network nang ligawan nito si Bianca Umali na nakasira sa love team ng actress at ni Miguel Tanfelix na BiGuel.

Yes, humina talaga ang tambalan ng dalawang ito sa “Sahaya” (na madalas pakainin ng alikabok sa ratings ng “FPJ’s Ang Probinsyano”) dahil sa umeksena nga si Ruru.

Pero how true, na nagkakalabuan na raw sina Ruru at Bianca at iba na ang type ng singer-actor? Ito ay si Maureen Wroblewitz, ang first Pinay-German na nanalo sa Asia’s Next Top Model. Siya raw ang gustong makasama ni Ruru sa pelikula.

Well, ang tanong ay: Papayagan naman kaya si Maureen ng boyfriend na si JK Labajo na tumambal kay Ruru, eh, very vocal ito sa pagsabing crush niya ang dalaga?

Kilalang war freak pa naman itong si JK. Hindi kaya magkaumbagan sila ni Ruru nang dahil kay Maureen?